Четири дена ниту трага, ниту глас од исчезнатата Вања – потрагата продолжува, експертите бараат подетална истрага

И по 72 часа од исчезнувањето на 14-годишната Вања Ѓорчевска од центарот на Скопје нема ниту трага. Се прегледуваат камери, социјални мрежи, телефони, се сослушуваат сите од кои може да излезе информација повеќе за исчезнатото девојче. Кримилозорите алармираат дека потребна е подетална истрага од страна на МВР, за да се дојде до вистината, зошто и како исчезнала тинејџерката.

“Треба да се направат подетални проверки, од она што значи семејство опкружување, училиште и други нејзини активности од редовното школо. И врз основа на тие детални разговори, да се постават неколку верзии, односно претпоставки, како и на кој начин може да исчезне. Дали имаме класично грабнување или имаме исчезнување по основ на било кој друг начин, доброволен  или полудоброволен” вели професорот Стефан Баџуковски.

Професорот Баџуковски, предупреди дека е алармантно тоa што во последниов период има зголемување на исчезнати луѓе.

“Македонија и другите региони пошироко и во светот, посебно во посиромашните земји има честа појава на исчезнувања на деца тоа е тесно порврзано со трговија со луѓе и органи.Меѓутоа за конкретниот случај не можеме да констатираме дека Вања е грабната или киднапирана, мора прво се да се провери и да се доближиме до вистинските верзии ” – изјави Баџуковски.

Алармот е вклучен и во регионот, по исчезнувањето на Вања.  Четири дена се врти незината фотографија и апел , кој има некакви информации да помогне да се пронајде.

Макеоднската јавност е на нозе, родители, соученици,ловџиите  сите се вклучени да помогнат во потрагата.  Залепени се и плакати по улиците со информации и фотографија од девојчето.

Вања е висока 175цм, околу 58 кг тешка, со кафеава коса и кафеави очи, бемка на десната страна од лицето, носела протези на забите. Од дома излегла облечена во црни пантолони со странични џебови, син дуксер, кратка црна зимска јакна, бели патики најк со кафеави линии и со неа носела школски ранец и мобилен телефон.

Ања Лукарова