НС ГРИТГ и МАКАМТРАНС бараат да се обнови листата на работници со бенефициран стаж

Обновување на постојната листа за работни места за кои се врши пресметка на работниот стаж со дополнителен стаж од една година бара независниот синдикат на градежни работници и МАКАМТРАНС.  

Тие веќе изготвиле список со струките за бенифициран стаж , а утре ќе го достават во архивите на надлежните институции, односно до Владата, премиерот и Министерството за труд и социјална политика. 

Независните синдикати направија список на градежни работници во кои спаѓаат ѕидаротесари, армирачи, оператори на сите видови градежни машини, возачи на тешки товарни возила, висински работници, хирурзи, возачи на возила со опасни материи, леари, формирачи на форми за лиење, работници во леарница, заварувачи и тоа сите видови, таксисти, оператори на сметачки машини и обезбедувачи кои работат ноќна смена. Овој список дополнително ќе биде дополнет затоа што можеби нешто сме испуштиле од струките кои заслужуваат дополнителен работен стаж, рече на прес-конференција Ацо Трајковски, претседател на Независниот синдикат на градежни работници инженери и трговци во градежништвото – НС ГРИТГ.

Претседателот на МАКАМТРАНС, истакна дека листата треба да се дополни и со лицата од новинарската професија заради опасностите по живот во кои ја извршуваат работата. Јовановски воедно порача дека ќе нема ефект од носењето на нов закон за работни односи доколку не биде усогласен со законите за синдикално организирање и за најниската загарантирана саатнина на работниците.

-Предлог законот што од 2002 година кружи по сите релевантни институции како предлог за најниска загарантирана исплатена саатнина заради загарантираноста и исплатливоста на работните обврски на работникот никој не сака да го прифати и да го гласа бидејќи тогаш ќе нема директно задирање во џебовите на работниците – рече Јовановски.

Во предлог законот се предвидува на 15-ти во месецот доколку работниците не бидат исплатени, фирмата во која работат автоматски да биде ставена на продажба.

Викторија Миткова