Таравари и Османи го кршат Уставот и Законот за македонски јазик: Си направија билборди само на албански

Таравари и Османи го прекршија законот за македонски јазик а со тоа и Уставот. Поставија билборди само на албански јазик, односно еднојазични. Истовремено, индиректно порачуваат дека не се гледаат себе си како претседател на сите граѓани. Законот за употреба на македонскиот јазик неодамна беше донесен и влезе во македонскиот  Уставот. Во него јасно е предвидено дека на јавните настани што се организираат во државата, а се финансираат со средства од Буџетот, задолжително мора да се употреби македонскиот стандарден јазик и неговото кирилско писмо .

Задолжително се лекторираат на македонски стандарден јазик и на неговото кирилско писмо плакати, летоци, проспекти, транспаренти, рекламни табли, реклами на излози или друг вид рекламен материјал во физичка форма на правните лица, стои во Законот,.

Кандидатот на ДУИ Бујар Османи  е насочен кон Европа па на билборд, неговиот слоган не е Претседател на Македонија – туку се рекламира како „европски претседател“, а кандидатот на коалицијата „Влен“, во превод „вреди“, Арбен Таравари, пак само како „претседател“. Име на државата – нема.

Граѓаните не го поддржуваат поставувањето на билборди само на албански. Ова е недозволиво, реагираат луѓето, бидејќи живееме во Македонија

Ваквите прекршувања на законот за употреба на македонскиот јазик  требаше да ги санкционира инспекторат за македонски јазик,  како правен субјект во рамките на Министерството за култура. Но, тој се уште не е отворен. Во ваква ситуација треба да постапи Министерството за култура кое е и предлагач на законот, но до овој момент од таму реакција нема.