Османи изгледа се освести: И по уставните измени, Бугарија ќе има нови барања
Бујар Османи е свесен дека зад барањето за уставни измени се кријат нечесни бугарски барања, но и натаму инсистира дека тие мора да се случат. Шефот на дипломатијата прв пат признава дека нема да имаме никакви гаранции оти ќе нема нови бугарски условувања на европскиот пат. Човекот кој досега заедно со својот шеф Димитар Ковачевски и вицепремиерот Бојан Маричиќ не убедуваше дека внесувањето на Бугарите во Уставот ќе биде последен услов од источниот сосед во интервју за Франфуртер алгемајне цајтунг со сосем различен став.
-За жал, често сме биле разочарани, а динамиката во бугарската политика е толку несигурна што не се знае што ќе донесе утрешниот ден. Прилично сум сигурен дека Бугарија постојано ќе формулира нови барања. Но, за мене е важно што е на агендата на ЕУ, ништо друго. Ние постигнавме компромис со Бугарија, акциски план за малцинствата. Сакаме темата да ја префрлиме од историски интерпретации и идентитетски прашања кон човековите и малцинските права, затоа што во тоа сме добри, кажал Османи за ФАЦ.
Ваквата изјава на Османи е сосем различна од она што го тврдеше целиот минат период, каде неговите изјави беа со цел да се убедат граѓаните дека нема да има веќе нови бугарски барања по уставните измени.
-Тие кажаа дека нема нови барања и дека нема на што да се повикува на кој дел од преговарачката рамка за да изнесе Бугарија утре барање до Комисијата за да даде писмен извештај дека е реализиран или не е реализиран, се друго е пропаганда, се друго е обид да се исплашат граѓаните заради политички, партиски цели, изјави Мицкоски.
Владата и натаму цврсто останува на ставот дека уставни измени мора да има и дека со нив земјата ќе тргне кон Европа, го игнорира мислењето на мнозинството македонски граѓани, но и сигналите од Унијата кои се погласно кажуваат дека владеењето на правото и борбата со корпцијата се темелот на кој мора да почне да се гради европската интеграција на Македонија.
Матеја Петровски