На протест од обвинтелството до Врховниот суд утре во 18 часот опозицијата ќе бара одговорност по објавените аудио снимки на кои се слуша лидерот на СДСМ Заев. Лидерот на ВМРО-ДПМНЕ смета дека содржината на бомбата е доказ за криминалот на мафијата желна за пари и власт.

“Ги повикувам сите граѓани да ни се приклучат, од сите националности и убедувања. Ова не е протест само на ВМРО ДПМНЕ туку на сите граѓани кои знаат дека главната кочница е Заев. Протест на кој ќе порачаме дека одговорност мора да има за неправдите и дека Заев е виновен! Одговорност за главата на октоподот која не може да се сокрие”, изјави Мицкоски.

Според станало јасно дека екс премиерот диктирал одлуки на Врховниот суд,а  Катица Јанева исто така работела по негова наредба. Тој истакна дека никој не верува во образложенијата дека Заев ги убедувал осумтемина пратеници дека е добро да одговараат за случаите кои полека ги снемува.

“Прво, имаме јавно признание дека Заев грубо ја злоупотребил службената должност диктирајќи одлуки на Врховниот суд. Второ, тој јавно признава дека се влечат случаите и за таа негова стратегија знае и СЈО и Катица Јанева која била свесна за тоа. Трето, шемата како да паднат случаите била јасна или закон за обвинителство или ќе го цитирам „трас-трас”одлука на Врховниот суд. Значи освен премиер, бил судија, но и обвинител”, рече Мицкоски.

Од СДСМ реагираат дека борбата за амнестија на криминалот не може да биде борба за правда.

Градимир Марковски