Пред изгрејсонце православните домаќинки ги вапсаа велигенските јајца
74 годишната Лилјана Панова од Штип, повеќе од 50години на Велик четвртрок пред изгрејсонце ги бојадисува велигденските јајца. И ова утро Панова, бојадиса 33 јајца, колку што и години имал Исус Христос кога бил распнат. Денеска е Велик четврток, денот кога се одржала Тајната вечера и Јуда се откажал од Исус Христос. Црвената боја ја симболизира пролеаната света крв, а јацето обновувањето на животот
„Првото јајце го означува Воскресението на Исус Христос. Бојадисувам 33 јајца, толку колку што години имал Спасителот-Исус Христос. Во петок поручек одиме во црква и го носам јајцето што е за Исус Христос и другото што е наменето за среќа и здравје. Третото јајце останува дома и стои догодина„ изјави Лилјана Панова.
Велигден е празник на празниците. Ова се денови кога се простува и се дава можност на добрината. Сплотеноста на семејството околу трпезата дава надеж за а истовремено семејството се сплотува
„За нашето семејство Велигден е голем празник. Сите се собираме кај мене на ручек..Во душата навлегува мир и спокојство за тие празници. Кога ќе си помислиш дека се ближи Велигден „ раскажува Панова…..
За Велигден се врзуваат многу обичаи и обреди. Мирисот на баклава и милиброд, капењето со црвено јајце и здравец, спротнувањето под маса. Сепак најважниот момент е дарувањето со јајца во недела. Почитувајќи ја традицијата, ние им одаваме почит на нашите претци.
„Кога ние го славевме Велигден додека бевме деца, беше многу скромно. Сега е раскошно. Пример се вапцуваат јајца во различни бои, а мојата мајка ги бојадисуваше само со црвена боја и со лушпи од кромид„ вели Панева
Според традицијата на Велики Четврток жените најмногу време поминуваат во кујна кога се прават и подготовките за велигденскиот ручек, кога верниците во духот на сплотеноста го чествуваат повторното раѓање на животот.
Александра Ристевска