Николоски: На јавноста и стана јасно дека Заеви делат поткуп и мислат само на избори

Потпретседателот на ВМРО-ДПМНЕ, Александар Николоски вели дека со случајот во Струмица со хуманитарните паките станува јасно дека Зоран Заев и неговото семејство делат поткуп.

„Во услови на најтешка здравствена и економска криза тие нечовечки се обидуваат за неколку прехранбени производи да купат луѓе, да го купат нивниот глас на следните избори затоа што само на тоа мислат. Само на избори. На ништо друго“, пишува Николоски.
Тој додава дека се потврдили и тоа што Струмица долго време го знаела, дека Заев победувал за градоначалник не на чесни туку на наместени избори во кои како што вели масовно купувал гласови.

„Додека изигрува добротвор, а за да демантира дека ова што го велам не е така барам да одговори на следиве прашања, кои ги поставив уште на 7ми Април ама до денес не даде одговор:

1. Колку вкупно т.н. помош има поделено со точни количини на сите продукти кои се поделени?

2. Дали може да покаже фактури дека тие производи се платени? Или истите се обезбедени со рекет од фирмите производители и дистрибутери?

3. Да докаже потекло на парите со кои се платени ако се платени?

4. По кој критериум се поделени производите, зашто на едни граѓани се делени, а на други не?

5. Дали донациите се пријавени?

Бонус прашање за денес – ако е се во ред зашто брат му Вице урлал во полициска станица во Струмица вчера и се заканувал од позиција на сила на полициските службеници?“, стои во објавата .