Можно ли е македонските граѓани да дишат чист воздух до 2050 година?

Македонските граѓани да дишат чист воздух до 2050 година,  да се ослободат од грејната сиромаштија и да се стремат кон одржливо и почисто општество.

Ова се предлозите на невладината организација „Заедно за промена“, напишани во т.н. Иницијатива за чист воздух- Македонија 2050. Начинот на греење, урбанизацијата и транспортот се трите три области во кои мора веднаш да се реагира за да не се влоши и така веќе алармантната состојба со загадувањето.

– Има мотивација кај граѓаните. Тие сакаат да се грејат на чист начин. Ако граѓаните купат нова печка , ако сакаат да се грејат на дрва или на пелети, барем таа печка да биде многу ефикасна. И нив да не ги загадува, најмногу вредност да извадат од секое дрво и најмалку да ја загадуваат околината. Најубаво е да имаме ефикасна печка и да се грејат со суви дрва. Тоа има најголма економска вредност и дава најмногу топлина, вели Алекс Долстра, основачот на невладината „Заедно за промена“.

Иницијативата предвидува ограничување за градење во области на ранливи категории граѓани, како што се градинки и болници, проширување на градското греење но и воведување на т.н. енергетска ознака за домување.

-Уште се градат згради или куќи без изолација тоа треба да се промени. Законски треба да се промени. Затоа што мора да има изолација. А кога ќе има изолација на куќи или на згради помалку енергија ќе трошиме, појаснува Долстра, кој искуствата ги црпи од Холандија.

Инфраструктурата и транспортот мора во најбрз рок да се регулираат и адаптираат. Мора да се внимава какви комерцијални возила се возат низ градските улици а старите возила да се заменат со нови.

-Низ градот, многу се користат комерцијалните возила. Треба да ставиме мерки за емисијата на гасови кои ги испуштаат тие возила,  емисијаа на гасови треба да биде минимална. Тие возила нон стоп се користат а не како приватните возила кои се користат од дома до канцеларија, за разлика на пример од таксистите кои возат цел ден, појаснува тој.

Алармот е вклучен веќе одамна, но засега единствена рекција од властите е во обратна насока, со кратење на Буџетот за животна средина и 0 денари за решавање не проблемот со аерозагадувањето.