Трипуновски: „Зелена нафта“ е уште еден пропаднат проект на оваа власт

„Проектот „Зелена нафта“ за земјоделците е уште еден пропаднат проект на оваа власт. Министерството за земјоделство на еден подмолен начин ја измени Програмата и од предвидените 280 милиони денари кои беа предвидени за оваа година, одзеде 100 милиони денари и ги стави во ставката „исплата на заостанати субвенции“. Тоа значи дека т.н. мерка „зелена нафта“ доживеа колабс. Ова што се случува во моментов е чист популизам и купување гласови пред избори, а земјоделецот ќе остане без решени проблеми“, изјави за Алфа, техничкиот министер за земјоделство Цветан Трипуновски, кој денеска имаше средби со земјоделци од неколку населени места во крушевскиот регион.