Тетовци мака мачат со водоснабдувањето

Шар планина изобилува со извори, а Тетово покрај тоа и двата водоводи што ги користи, едвај се снабдува со доволно вода.

Периодов издашноста на изворите од околу 300 литри вода во секунда е на долната граница. Засега нема рестрикции,но прекини во водоснабдувањето секојдневно- поради честите дефекти на старата и дотраена водоводна мрежа.

Без реконструкција на водоводната мрежа и изградба на акумулации, водоснабдувањето и натаму ќе биде проблем за Тетово, особено за горните делови, каде чешмите останувале суви и по цели денови.

Рестрикции засега нема. Ќе бидат воведени, ако издашноста на изворите падне под 300 литри вода во секунда.

Најкритичен е летниот период кога енормно се зголемува потрошувачката на вода. Но, дали ќе ја има доволно ќе зависи од пролетните дождови, оти снегот зимава го немаше доволно на планините.

Милена Стојановска