Штитеник од старски дом во Битола со корона вирус

Од вчера, еден од штитениците на старскиот дом “Сју Рајдер“ во Битола, со позитивен наод од тестот за корона вирус, е сместен во Инфективното одделение на Клиничката болница во Битола.

Тој бил примен и сместен во Домот на 18 март, а на 2 април имал симптоми на корана и висока температура. Алармот веднаш бил вклучен и во епидемиолошката анкета, било утврдено дека претходно имал контакт со негова внука од Германија.

Затоа му бил земен бриз, кој два дена подоцна ги потврди сомнежите.- Сега, во Домот е вклучен алармот и двете лица што беа во истата соба, исто така непокретни, се изолирани, а одум вработени кои биле во контакт се испратени во домашна изолација.

Во меѓу време, екипа од Центарот за јавно здравје изврши вонредна дезинфекција, а веќе два месеца се забранети излегувања на штитениците од Домот. Олеснително е што заболениот беше непокретен и со малку контакти само на персоналот, рече директорката Јулијана Котевска.

Денеска, по телефон до редакцијата на АЛФА ТВ се јавија роднини на вработени во старскиот дом кои се пожалија дека поради наложениот карантин, им с екратат денови од годишниот одмор и дека до вчера немале соодветна заштитна опрема, која денеска е целосно обезбедена.

Во старскиот дом “Сју рајдер“ во Битола има 154 возрасни штитеници и обезбедени им се потребните услови. За нивната здравствена состојба, домашните и роднините можат да се информираат на дежурните телефони на домот.

Пеце Стефановски

Поврзани вести