Меѓупартиска пресметка на партиите, кој минстер е одговорен за мафијашките убиства во Скопје

Случајот стана предмет и за меѓупартиска пресметка. СДСМ и ВМРО-ДПМНЕ денеска се обвинуваат кој министер е одговорен на мафијашките убиства во Скопје иако техничкиот- Тошковски е минстер неполн месец. ВМРО-ДПМНЕ и Тошковски немаат капацитет да расчистат случајот, обвини СДСМ во партиско соопштение.

„Убиство и запалено кафуле во Скопје само за неколку часа. Министерот и началникот на СВР Скопје, кадри на Мицкоски и ДПМНЕ покажуваат голема некадарност во водењето на МВР. Најважното, безбедносна на граѓаните се загрозува со тоа. Го очекуваме денеска Ковачки да излезе пред МВР и да побара одговорност од Тошковски, а од ДПМНЕ – да излезе во јавноста со обвинување за него дека ја направил Македонија како Колумбија во 90-тите“, се вели во соопштението на СДСМ…. Дали СДС си ги чита срамните соопштенија пред да ги пушти, или ја оставиле партијата на деца кои глумат партија.

Oд ВМРО-ДПМНЕ велат дека срамно е СДС да го обвинува Тошковски бидејќи убиството вчера е продолжение на нарко пресметка на клановите кои почнаа во времето кога Спасовски беше министер за внатрешни работи. „Таквата сила на тие кланови доаѓа поради фактот што Спасовски, Заев и Ковачевски го ставија МВР на услуга на криминалците, а со помош на нарко клановите ДУИ и СДС добиваше гласови на неколку последователни изборни циклуси. Застреланиот го нашол братот полицаец чие име се спомнува во структурата на фирмата која продава јаглен на ЕСМ и РЕК Битола. А, јавна тајна е дека ЕСМ и РЕК се златните рудници каде црпи пари врвот на СДС и ДУИ “, се наведува во соопштението.