Алфа сторија: Валентина Тодороска, партиска жртва остана без работа иако е меѓу најискусните подводни археолози

Политичките пазарења за работни места со цел да се вдомат партиски послушници ги оставија без работа најквалитетните кадри во институциите од областа на културата. Стружанката Валентина Тодороска,една од најискусните и ретки подводни археолози во Македонија 3 години е без работа,без никакво образолжение зошто ја отпуштаат од работа,иако многу успешно и посветено истражуваше значајни подводни локалитети.

 “Од една страна немаме кадар, а од друга стана немаме простор за вработување.Бевте вие во одреден период вработена? Работев по договор на дело во Музеј Струга.Колку години ?Пет ! И од кога сте невработена фактички ?од 2020”-вели Валентина Тодороска,подводен археолог

Тодороска е само еден пример, како се останува без работа поради партиска неподобност, иако како што вели не сум член на нити една политичка партија.Бројноста на вработени во институтите и научните установи за заштита на споменици на културата,не соодветствува на потребите.Најмногу фалат археолози.   

 “Моментално има недостаток на кадар во институциите,има доволно дипломирани колеги археолози, но голем дел од нив се сеуште невработени”-вели Орданче Петров од Македонско археолошко друштво

Фактот дека нема да најдат вработување, ги одвраќа младите да студираат археологија.

”Државата не го решава баш моментот на активирање на работни места,мое размислување е дека треба да се акртивира предмет археологија општа и национална во основните и средните училиште ,треба во секоја од царините да има дипломирани археолози, знаеме дека постои шверц”-вели Виктор Лилчиќ Адамс,универзитетски професор.

Во 80-те општини во Македонија нема повеќе од 20 музеи што е поразително,наместо да се вложува во презентација и истражувања на древна Македонија, ние дозволиме,велат упатените, државата да билда администрација, наместо да се посвети на вработување на научни работници од редот на археолозите.

Росица Голабоска