Новак Ѓоковиќ по десетти пат го освои „Австралија Опен“

Deprecated: Implicit conversion from float 1714322621.186301 to int loses precision in /home/alfamk/public_html/wp-content/plugins/sneeit-framework/includes/utilities/utilities-views.php on line 40

Новак Ѓоковиќ го освои 93 трофеј во професионалната кариера со освојувањето на грен – слем турнирот Австралија Опен.  По 10-ти пат го освои „ Австралија Опен “ со  победата над  грчкиот тенисер Стефанос Циципас убедливо во три сета со  6:3, 7:6, 7:6. Рекордниот триумф му ја донесе 22 гренд слем титула што го израмни на тронот со Рафаел Надал кој има идентичен скор. Победата го врати Ѓоковиќ на врвот на светската АТП листа. Големиот триумф е уште посладок за Ѓоковиќ оти го оствари токму во Мелбурн каде минатат година доживеа огромен притисок, хотелски приотвор и забрана за настап поради Ковид протоколите.

На церемонијата за прогласување на победата, Ѓоковиќ го совладаа емоциите. За него вели ова е најголем триумф досега

Се вратив во Австралија оваа година… Благодарам на сите што направија да се чувствувам добредојдено. Има причина зошто го играм најдобриот тенис во мојата кариера во Австралија пред легендарниот Род Лејвер. Се обидувам да се штипнам себеси, тоа е долго патување. Само мојот тим и семејството знаат низ што поминавме во изминатите четири, пет недели. Ова е мојата најголема победа, со оглед на околностите, кажа српскиот тенисер.

Цицпас му ја честиташе победата посочувајќи дека Ѓоковиќ го издигнал  спортот на ново ниво

Честитки Новак за победата. Бројките говорат се. Тој е еден од најголемите во нашиот спорт. Ти благодарам што го подигна спортот на ова ниво, а тоа секој играч го тера да го подигне нивото на игра и да работи посилно. –  истакна по мечот Стефанос Циципас.

Меѓу бројните фанови на трибините не беше таткото на Новак Ѓоковиќ, Срѓан Ѓоковиќ кој поради снимка со фан со руско знаме мечот го следеше од хотелската соба од каде прославуваше на традиционален начин.

Во својата кариера, зад себе Ноле има запишано 33 настапи на грен слем финали од кои само 11 резултирале со пораз.

Кристина Алексиеска