Вработените во македонската амбасада во Берлин не зборуваат македонски јазик, знаеле само албански?!

Доколку ви треба услуга во македонската амбасада во Берлин, мора да го познавате албанскиот јазик, бидејќи вработените не знаеле да говорат на македонски, тврдат на социјалните мрежи нашинци од Германија. Во статус на Фејсбук, Македонка Димитрова вели со цел да се разбере понудила да зборува на уште три јазици, но вработените го познавале само албанскиот јазик.

-Да прашам нешто… на бројот од Амбасадата на Македонија во Германија се јавува лице кое зборува само албански. Не знам албански, па предложив англиски, турски или француски да зборуваме, толку јас знам… но нашата администрација не знаеше ниту еден јазик од понудените, ниту мојот мајчин јазик?! Што да се прави кога имате итна ситуација во Германија?, прашува Димова на Фејсбук

Алфа телевизија се обиде да стапи во контакт со амбасадата на Македонија во Берлин, но и бројот напишан во статусот на Димова, и оној на сајтот на амбасадата беа зафатени.

Околу овој проблем во гостување во „Заспиј ако можеш“ на Алфа зборуваше и Ана Дукоска, глобалниот координатор на движењето „Ние сме Македонија“. Вели запознаени биле со овој проблем, а односот на сите дипломатски претставништва го оцени како многу лош.

-Тоа е најголем проблем со кој се соочуваме ние како иселеници. Од една страна е нефункционалноста на ДКП-ата, од друга страна е намалената волја на македонските институции да соработуваат со нив од самиот почеток, поизразено е во последните три години, а со тоа мислам нема да се зголемат директните инвестиции од дијаспората.

Амбасадор на Македонија во Германија од први јули 2019-та е Рамадан Назифи, додека пак генерален конзул во Минхен е Реџеп Демири, поранешен член на УЧК.

Матеја Петровски