Каракамишева: Избори во декември и враќање на политичката влада е манипулација за да се исплаши опозицијата

Дали на власта и одговара продолжување на вонредната состојба за вршење на легален поткуп за време на предизборието? Зошто власта бара да се продолжи вонредната состојба уште 30 дена? Властите се правдаат оти тоа било потребно за помош на економијата, но дел од експертите се децидни, владата бара вонредна состојба за да го легализира поткупот за време на предизборниот процес.

Сосема јасно дека во предизборниот период на власта и е неопходно потребно да може на легален начин да врши исплати на буџетски средства, посебно оние кои не се тековни, оние кои што како што гледаме сега се предвидени во третиот сет на мерки на владата. Oва е класично легализирање на поткупот кој согласно кривичниот закон е казнив во време на избори со најмалку 5 години казна затвор. Неопходно потребна им е вонредната состојба да трае се додека не се извршат нелегланите исплати, односно легални согласно уредбата за прашања од изборниот процес.

Во меѓувреме во политичките кругови веќе се калкулира за нов предлог на СДСМ, ако изборите не бидат брзи и сега, да си бидат во редовниот термин ама да се врати нивната влада во целост само со Спасовски на чело. Што би значело крај на мандатот на техничките министри и враќање на апсолутното владение на СДСМ. Според Каракамишева сето ова е голема лага и манипулација за да се заплаши опозицијата, дека ќе се врателе старата политичка влада.

Во ВМРО-ДПМНЕ ваква изнесениот став од власта го толкуваат како уцена во пресрет на лидерската средба. Сметаат дека е нелогично во исто време да се одбива септември како предлог за избори поради стравување од втор бран, а да се зборува за избори во декември.

ДУИ вели подготвени се за избори кога и да биле, само прво маин да дале надлежните за следење на корона кризата оти здравјето на граѓаните било најважно.

Мери Георгиевска