Двесте и педесет знамиња со сонцето од Кутлеш, жителите од пелагониските села во Општината Могила, па и неколку во Новаци, ги поставија на своите куќи и во дворовите, за да покажат колку си ја сакаат татковината и колку ја негуваат паметената историја, пренесувана од колено колено, преку генерациската меморија на нивните дедовци и предедовци. Денеска, екипата на Алфа ги обиколи Могила, Добрушево и Мусинци, а црвениот декор со шеснаесеткракото жолто сонце беше распослан низ Пелагонија со силен патриотски наплив.

– Било македонско знаме и треба да остане. Со овој Преспански договор сакаа да сменат с`е, ама кај нас не успеаја- рече Јоцко Здравевски од с. Мусинци.- Преспанскиот договор е уништување на нашата држава, на македонскиот јазик и на знамето.-рече Силјан Груевски.- Со знамето Македонец сум бил и ќе бидам- рече Душко Бошковски.- Јас знамето ќе го поставам оти е македонско- рече Златко Аспровски.- Јас сум Македонец и Македонец ќе останам- рече Рубин Андоновски- да си го зачуваме нашиот идентитет со традиција наназат, бидејќи сме најстара библиска земја- рече Никола Талевски од с. Могила.

Сепак, некој се обидува да ги заплаше тукашните жители, иако знамињата си ги поставуваат на приватен имот.

– Полицијата пак прави притисоци по куќите, земаш изјави, дали се надвор знамињата, ама сите знамиња се на приватен имот- рече Борче Бучински, советник во Општината,- Пред три дена кладовме знаме со сонцето, ама некој ми го изади ноќеска и кој како, не знам- рече Цена Мрмачевска од с. Могила.- Знамето го калдов на куќа и сега поради ова знаме останв без парче леб- рече пред некој ден Јован пецуровски од Новаци, кој беше избркан од работа.

Средствата за купување на знамињата ги обезбедија нашинците од австралиската дијаспора, или како што се нарекуваат- македонски патриоти, организирани во друштвото “Димче Могилчето“ од Мелбурн.

Петар Стефановски