ВМРО-ДПМНЕ бара поддршка за иницијативата за распуштање на Собранието, СДСМ во потрага по 80 пратеници за Законот за јавното обвинителство

Deprecated: Implicit conversion from float 1714298206.822437 to int loses precision in /home/alfamk/public_html/wp-content/plugins/sneeit-framework/includes/utilities/utilities-views.php on line 40

СДСМ е оптимист за изгласување на Законот за јавно обвинителство пред распуштањето на парламентот, ВМРО-ДПМНЕ се противи на како што велат партиските верзии на законски решенија кои ги предлага власта. Неизвесно е и натаму дали овој собраниски состав ќе се распушти со консензус за еден од најважните закони. Социјалдемократите тврдат дека и ако се одложи распуштањето и се изгласаат измените на изборниот законик и законот за јавно обвинителство нема пречка за избори на 12 Април. Сепак не одговараат на прашањето дали ќе ја поддржат иницијативата на ВМРО-ДПМНЕ парламентот да работи уште шест дена.

“Избори на 12 април ќе има. Дали Собранието ќе се распушти на 12 февруари зависи од тоа во каков одмор ќе влезе ВМРО-ДПМНЕ во однос на законот за јавно обвинителство и за сите овие други закони. Секако, сите уставни и законски рокови ќе бидат испочитувани. ВМРО-ДПМНЕ од избори на 12 април нема шанси да избега”, изјави Јован Митревски од СДСМ

Опозицијата пак реагира дека во оптек е првичната верзија доставен од министерството за правда, а не закон со забелешки од експерти од јавната расправа.

“Во Собранието, драфт-верзијата која се дебатираше на јавната расправа и на која беа поканети еминентни стручни лица од областа за која дискутираме, се уште не е во собраниска процедура. Ние го имаме во собраниска процедура старото законско решение кое е различно од ова за што дебатираа експертите. По завршувањето на јавната дебата гледаме дека министерката за правда Рената Дескоска воопшто не е спремна да ги почитува забелешките на експертите”, изјави Никола Мицевски од ВМРО-ДПМНЕ.

И собранискиот спикер Талат Џафери рече дека не гледа пречка за распуштање на собранието на 12 Февруари. Тој смета дека за спроведување на сите изборни дејствија е потребен 51 ден.

Градимир Марковски