Проектот со Бехтел и Енка досега исцеди од државната каса 177 милиони евра, а  на терен освен една дупка, нема ништо

Само една ископана дупка остана нем сведок на помпезните најави за старт на изградбата на коридорите. Иако роковите течат, а Владата уверува дека од 22 мај почнале со реализзација на договорот, очигледно единствено се реализираат само милионските трансакции кон Бехтел и Енка. До сега исплативме 177 милиони евра, а на терен, нема работници, ниту градежни активности. Остана само  железната рамка каде беше ставена таблата – камен темелник, со еден куп ѓубре околу неа

Фреквентноста на наплатната патарина Тетово – Гостивар е огромна секој ден и  во двете насоки. И денескасликата  како и вообичаено. Граѓаните  кои постојано поминуваат на овој патен правец скептични дека автопатот ќе се направи.

Третата најава за старт на изградбата беше со ископ на малку земја од местото каде треба да поминува  алтернативниот пат. Геомеханички испитувања требаше да има по целата траса од Гостивар до Струга, но на терен не можат да се забележат машин. Во околните места каде треба да поминува овој пат не е завршена ниту експропријацијата.

Последно кон Бехтел и Енка беа исплатени 7,2 милиони евра, а како на коридор 8, така и на коридор 10 д нема никаква активност.. Рокот за изградба е 4 години, а вредноста 1,3 милијарди евра. Сепак проценките се дека проектот ќе чини многу повеќе со оглед на фактот дека нема финален проект.  

Кристина Алексиеска