Зариф до Трамп: Таргетирање културни локалитети е воено злосторство

Иранскиот министер за надворешни работи, Мохамед Џавад Зариф, го предупреди денеска американскиот претседател Доналд Трамп дека таргетирањето ирански културни места ќе биде воено злосторство.

„После сериозното кршење на меѓународното право во петокот со атентат врз иранскиот генерал Касим Сулејмани во Ирак, господинот Трамп се заканува дека повторно ќе го прекрши меѓународното право“, напиша иранскиот шеф на дипломатијата на Твитер.

Американскиот претседател Доналд Трамп го предупреди Техеран дека Вашингтон ќе „удри на 52 локации во Иран многу брзо и многу силно“ доколку Исламската Република нападне американски персонал или цели.

Некои од тие локации се „многу важни за Иран и иранската култура“, објави Трамп доцна синоќа на Твитер.