За здравствените власти, луѓето кои транзитираат, не претставувале опасност за ширење на Ковид -19

epa08340321 A healthcare professional wearing protective hand gloves at works at the Oglio Po Hospital, during the coronavirus emergency, in Casalmaggiore, northern Italy, 03 April 2020. Italy is under lockdown in an attempt to stop the widespread of the SARS-CoV-2 coronavirus causing the Covid-19 disease. EPA-EFE/ANDREA FASANI

Предлогот на Министерот за здравство Венко Филипче за воведување ПЦР тестови на граѓаните кои транзитираат сепак не беше прифатен на денешниот состанок на Комисијата за заразни болести. Иако постои можност и тие кои транзитираат да се заболени од Ковид 19 и да ја шират инфекцијата, според Комисијата, не претставувале опасност за ширење на вирусот.

Комисијата продолжува будно да ја следи ситуацијата и доколку се утврди дека има потреба, не се исклучени дополнителни мерки. Со постојните мерки, граѓаните кои транзитираат низ земјава потпишуваат изјава дека за 3 часа ќе ја напуштат земјата и не претставуваат опасност за ширење на коронавирусот во нашата земјa – пишува во соопштението на Министерството за здравство.

Здравствените власти се децидни –  оние што вршеле транзит не биле закана за ширење на вирусот. Барањето на Филипче за воведување на PCR тест и за транзит патниците дојде по бурните реакции на јавноста, но и на меѓународната заедница по скандалот кога авион од Скопје, кој слета во Финска имаше дури 24 заразени патници. Кај македонските граѓани се шири паника и страв – дали Македонија има контрола врз пандемијата, и зошто едноставно не се тестираат сите кои на било кој начин и од било која причина, влегуваат во земјава. Но има и такви, кои сметаат дека тестовите не се доволно веродостојни, а така луѓето се изложуваат на дополнителни трошоци.

Иако првиот човек на здравството излезе со информации дека во авионот за Финска летале само двајца македонски државјани, за странските земји очигледно не е важно кој какво државјанство има, туку од која земја патувал. А токму поради ова, е нејасно зошто се дозволува поради странските државјани, македонските граѓани ќе бидат ставени на листите на ризични земји, и вратите и понатаму ќе ни бидат затворени, се додека не се воведат дополнителни мерки, за кои како што велат здравствените власти, можноста, не е исклучена.

Адријана Алексиеска