ВМРО-ДПМНЕ: Глас за Пендаровски е глас за Заев и глас за коруптивната шема по принципот – „едно евро за црквата, едно евро за Вицето“

Стево Пендаровски е ист како Зоран  Заев. Глас за Пендаровски е глас за Заев и глас за коруптивната шема по принципот – „едно евро за црквата, едно евро за Вицето“, ова денеска преку соопштение го истакнуваат од ВМРО-ДПМНЕ.

-Целата македонска јавност го виде Зоран Заев како бара мито од 1 евро по квадратен метар за легализација на земјиште, работа која е должен да ја заврши по сила на закон, а не за истото да бара мито. Самиот Зоран Заев во истото видео кажува дека секој бизнисмен кој легализирал земјиште претходно морал да плати мито. Криминалната шема на работење од Струмица, Заев ја префрли на ниво на Република Македонија. Оттука глас за Пендаровски е глас за Заев и давање на легитимитет на криминалниот начин на работа. Глас за Пендаровски е глас за три пати аболицираниот криминалец Зоран Заев. Глас за Пендаровски е глас и одобрување на криминалот со „Глобал“ тежок 8 милиони евра. Глас за Пендаровски е глас за аферата „Поткуп“ и одобрување на целото мито земено од Заев. Глас за Пендаровски е глас за одобрување на референдумскиот поткуп, кој Заев пред камери го призна, потенцираат од партијата.

Од ВМРО-ДПМНЕ додаваат дека граѓаните сакаат промени. Граѓаните сакаат крај за криминалниот начин на владеење.

-Гласот за Гордана Сиљановска Давкова е глас за промени. Гласот за Гордана Сиљановска Давкова е глас за право и правдина, стои во партиското соопштение на ВМРО-ДПМНЕ.