Наместо пари во касата на болниците кои мака мачат да излезат на крај со финансиите во услови на пандемија и економска криза, Министерството за здравство со скандалозна набавка на кондоми и лубриканти. Јавниот оглас бил распишан вчера а со него се бараат 150.000 обични и 37.000 кондоми со екстра издржливост, 50.000 лубриканти и тестови за брза детекција на ХИВ. Од МЗ велат оти се работело за веќе донесена програма за превенција од ХИВ за 2020 година.

Набавката се спроведува согласно програмските активности за ХИВ 2020 со цел спроведување на активностите кои произлегуваат согласно Програмата за заштита на населението од ХИВ инфекција, соопштија од МИНИСТЕРСТВО ЗА ЗДРАВСТВО

Дали кондомите ќе бидат наменети за потребите на Клиниките каде се лекуваат лицата позитивни на ХИВ или пак се наменети за невладините здруженија кои делуваат во борбата и превенција од МЗ не откриваат.

И лани, Министерството набави 150.000 кондоми и 80.000 лубриканти, а уште 20.000 набави Владата во октомври минатата година.

Биљана Божиновска