Унгарската полиција спречи повеќе од 600 мигранти да влезат од Србија

Унгарската полиција уапси 613 мигранти во обид илегално да ја преминат српско-унгарската граница викендов, објави унгарското министерство за внатрешни работи.

Минатиот викенд, полициските и воените патроли пронајдоа 240 лица на територијата на соседната земја кои не можеа да го докажат легалниот престој во Унгарија.

Според унгарскиот закон, сите илегалци биле спроведени до оградата на унгарско-српската граница.

Во изминатите три дена, полицијата и војниците спречиле 373 мигранти илегално да преминат на унгарска територија, да прескокнат или да ја пробијат оградата на границата.

Поднесена е кривична пријава против 11 лица за трговија со луѓе, соопшти унгарската полиција.

КАТЕГОРИИ
Споделете ja веста