Турунџиева за Алфа : Вознемирена сум , но тоа е еден тон железо, важно сме живи и здрави

Доцна синоќа запалени се автомобилите во сопственост на пејачките Сузана Турунџиева и Ребека Јанковска-Ристески. Инцидентот се случил во три часот по полноќ на паркингот од зградата каде што живеат двете пејачки во населбата Карпош 3. Најпрво бил запален автомобилот „мини купер“ во сопственост на Турунџиева, а пожарот го зафатил и автомобилот „шевролет орландо“, во сопственост на Ребека . Пожарот бил изгаснат , но од автомобилот на Турунџиева не остално ништо . Од МВР информираат дека извршен е увид и се преземаат мерки за расчистување на случајот. Засега нема официјални информации дали пожарот е подметнат и какви се мотивите. Во изјава за телевизија Алфа пејачката Турунџиева вели дека нема непријатели ниту нерасчистени сметки и недоразбирања. Се сомнева во група млади луѓе кои постојано правеле проблеми во населбата .

КАТЕГОРИИ
Споделете ja веста