„СИМБОЛИКО“ од Скопје со далеку од симболични цени: „Лапна“ тендер на МВР од 1,9 милиони евра

„СИМБОЛИКО“ од Скопје со далеку од симболични цени: „Лапна“ тендер на МВР од 1,9 милиони евра

Операторите на МВР за телефонско и онлајн закажување термини за вадење на лични документи, тешко се добиваат, ама чинат милиони народни пари. Симболико ДООЕЛ од Скопје со далеку од симболични цени, речиси 2 милиони евра доби тендер од Министерството за внатрешни за оператор кој овозможува телефонско закажување и вадење на лични документи во наредните 3 години, согласно договорот на јавни набавки.

За давање информации на граѓаните за потребни документи и процедури и за онлајн закажување термин на страната на министерството, Симболико инкасира вртоглави 1,9 милиони евра и тоа само од последниот добиен тендер.

Носителот на услугата се обврзува услугите да ги извршува со технички пероснал и професионални технички средств секој ден од понеделник до пето во термин од 08-20 часот. Услугите ќе се извршуваат во период од три години на места определени со техничката спецификација. Носителот на услугите ќе започне со работа најдоцна 10 дена од склучување на договорот, стои во извадок од тендерот на МВР и Симболико ДООЕЛ Скопје

Покрај овие 1,9 милиони евра, во месец август годинава за истите услуги телефонско закажува и онлајн закажување на вадење документи, Симболико зеле уште 230.000 евра. За скапата инвестиција на МВР преку која граѓаните тешко доаѓаат до термин, оваа скопска компанија од 2021 година па наваму зеле речиси 3 ипол милиони евра од државната каса за оператор преку кој телефонски и онлајн граѓаните закажуваат термини.

Во последниве пет години, компанијата бележи подеми и падови. Најдобро им одело во 2021, кога биле евидентирани: вкупни приходи од 2,2 милиони евра и добивка од над 380 илјади евра. Инаку и во 2021 давале услуги за МВР. Тогашниот тендер бил во износ од скоро 480 илјади евра.

Оваа компанија заедно со компанијата Алфазет, пред две години зема тендер од 3 милиони евра од Државната изборната комисија како подизведувачи на германска фирма која за 11 милиони евра од државна каса ги произведе читачите на отпечатоци за претстојните избори.

КАТЕГОРИИ
Споделете ja веста