Средниот бек Лово Јотиќ последно засилување на РК Вардар пред подготовките за новата сезона
Хрватскиот интернационалец Ловро Јотиќ е нов играч на ракометниот тим Вардар. Средниот бек досега го носеше дресот на Еурофарм Работник, а во иднина ќе биде дел од скопскиот состав кој вчера ги доби противниците во групата од новото издание на ракометната Лига на шампиони. 25-годишниот Јотиќ би требало да биде последно засилување за вардарци кои на 18-ти јули треба да ги започнат подготовките за она што им претстои во новата сезона. Вардарци освен во домашното првенство и СЕХА лигата ќе се натпреваруваат повторно и во Лигата на шампиони, новото раковсотво на клубот предводено од Михајло Михајловски најави дека екипата ќе се обиде да биде колку што е можно конкурентна во сите натпреврувања, но стави до знаење дека буџетот ќе биде помал во однос на оној со кој рапсолагаше тимот додека претседател беше Сергеј Самсоненко.