Сообраќајна незгода кај с.Страцин, животот го загуби едно лице, повеќе лица се здобиле со тешки телесни повреди, меѓу кои има и едногодишно дете

На 24.08.2020 во 15.05 часот било пријавено дека во с.Страцин, кратовско, се случила сообраќајна незгода помеѓу патничко моторно возило „голф“ со регистарски таблици од Македонска Каменица, управувано од С.Ѓ.(23) од с.Саса-Македонска Каменица и патничко моторно возило „бмв“ со тетовски регистарски ознаки, управувано од К.П.(47) од с.Мала Речица, тетовско. Во незгодата, на местото на настанот починал совозачот во возилото „голф“, В.Ј. (53) од с.Костин Дол-Македонска Каменица, а додека со телесни повреди се здобиле С.Ѓ. и сопатниците од истото возило В.Ј.(50), Н.Ј.(20) и едногодишно дете, констатирани во Медицинскиот центар Куманово. Возачот К.П. бил пренесен во Здравствениот дом Кратово за укажување на лекарска помош. Извршен увид од Јавен обвинител и увидна екипа од Полициската станица Кратово.

КАТЕГОРИИ
Споделете ja веста