СОНК: Скандалозна е иницијативата на ректорите да формираат засебен синдикат

Во оваа држава секој си прави што сака, остро реагира првиот човек на СОНК откако УКИМ реши да направи уште еден синдикат. Иницијатива, ректорите да формираат засебен синдикат на ниво на факултетите е скандалозна и е против законот за работни односи, вели Јаким Неделков. Упати апел до нив под итно да престанат со како што рече атакот врз универзитетите, зашто тоа било кривично дело.

– Ги повикувам ректорите да прекинат со процедурата за формирање синдикални организации при универзитетите. Со самото нивно мешање во организирање и формирање синдкати прават кривично дело за кое постои веројатност да одговараат – тие или овластени од нив – деканите или генералните секретари. Второ би сакал да го повикам МОН веднаш да пристапи кон потпишување на колективниот договор за високо побразование и наука на гранско ниво. Со тој колективен договор ќе се опфатат сите факултети на национално ниво. Доколку е пресложен овој процес и времето е прекратко, тогаш ги повикувам ректорите на универзитетите да го повикаат СОНК како единствен репрезентативен синдикат во дејноста образование, вклучително и високо образование, да потпишеме колективен договор на ниво на работодавец, на ниво на установа. На тој начин би се надминала состојбата таква кавка што тие ја предвидуваат дека доколку не се потпише колективен договор на ниво на работодавец односно со ректорите ќе нема зголемување од 10% на платите, рече Неделков.

Според Неделков целата на новиот синдикат кој се формира предизборно е да не го потпишат колективниот договор со кој просветните работници треба да добијат 10% повисоки плати, бидејќи пари во буџетот најверојатно нема.

Претходно, на барањето од ректорите на државните универзитети да се формира нов синдикат реагираше и Независниот академски синдикат. И тие побараа УКИМ веднаш да се откаже, и зашто и онака високото образование го достигнало дното. Сега, на потег се ректорите да се изјаснат што понатаму.

Борис Грујоски