СОНК: Не смее да има урамниловка, мора да пораснат сите плати

Oд Синдикатот на образованието (СОНК) бараат скалеста корекција на сите плати. Вака поставеното решение го сметаат за политички маркетинг кој ќе предизвика проблеми за сите.

Договорот за минимална плата е политички потег и треба итно да се преговара за усогласување на другите плати, вели во разговор за Алфа претседателот на СОНК, Јаким Неделков.

• Станува збор за политичка одлука на задоволство на 13,7 % од работниците, а останатите 86,3% се прашуваат дали конечно ќе профункционира правната држава и дали законот за минимална плата ќе се почитува во целост, додава Неделков.

Според бодувањето и порамнувањто, во градинките и во училиштата работниците треба да земаат иста плата, раководители, хигиеничари, што по мене никако не смее да биде така, вели првиот човек на СОНК.

• Мислам дека ова е класичен пример на урнисување на платниот систем, непочитување на законите, колективните договори. Ако веднаш не почнат преговори за усогласување на платите со колективните договори, СОНК и КСС ќе донесат одлука за преземање на радикални синдикални активности, потенцира Неделков.    

Со претседателот на СОНК, Јаким Неделков, разговараше Борис Грујовски. Еве дел од разговорот.