Случајот со затвореникот од Тетово ја отсликува катастрофалната состојба со затворите во земјава

Случајот со затвореникот од Тетово ја отсликува катастрофалната состојба со затворите во земјава

Да не беше трагично, ќе беше комично. Така и со осуденикот кој со ампутирана нога се пријавил ден порано во тетовскиот затвор и затоа не го примиле туку му рекле дојди утре.

Ова е сликата на трулиот затворски ситем во Македонија, коментираат дел од кривичарите запрепастени од неодговорното однесување на одговорните за затворот во Тетово со 41- но годишниот Дарко Марковски кој го чува полиција во Градската болница додека тој веќе месец и половина не знае дали има решение за прекин на затворската казна.

Адвокатот Сашко Дуковски вели дека затворот има одговорност за правата и престојот на својот штитеник. Во овој случај тие само го посоветувале самиот да лута по институции откако не го примиле со образложение дека се вратил ден порано, коментира Дуковски.

Откако затворот на 24 април не го примил Марковски, тој се вратил дома. Добил инфекција на ампутираната нога, па завршил во Градската болница во Скопје. Месец ипол како што раскажува ниту полиција, ниту некој од затворот го побарал. Слободен бил и да излегува надвор од болницата, се до Жена парк.

Според неговото сведочење полицајци го чуваат од пред неколку дена, а е изненаден бидејќи на врата во затворот како што тврди му рекле оди или дома или во болница, не треба да ти даваме документ, никој нема да те бара.

Осуденикот Марковски е на издржување 7 години и 8 месеци за разбојништво и кражба. После шест години лежење во Идризово, тој пријавува корупција и закани од командирите, па од безбедносни причини е префрлен во Тетово. Таму му се влошува здравствената состојба.

Алфа испрати прашања до Управата за извршување на санкции дали се запознаени со случајот на Марковски, но не добивме никаков одговор. Од затворот во Тетово пак се децидни дека постапиле согласно закон со тоа што не го примиле ден порано од рокот, и го посоветувале самиот да се обрати до судија за извршување на санкции за да му се продолжи прекинот за затворската казна. Засега не е јасно каков статус има затвореникот кој завчера преживеа уште една операција по инфекциите на ампутираната нога.

КАТЕГОРИИ
Споделете ja веста

COMMENTS

Wordpress (0)
Disqus ( )