Седум нови случаи на коронавирус во Кина, ниту еден во Пекинг

Пекинг објави, втор ден по ред, дека нема нови случаи на инфекција со коронавирус. Тоа е првпат откако беше откриен кластер на еден пазар на 11 ти минатиот месец . Во меѓувреме, во остатокот на Кина сè уште се забележува едноцифрено зголемување на нови случаи на инфекција со коронавирус. Регистрирани се седум нови случаи, што е еден помалку од претходниот ден. Од новите случаи, четири се пријавени во Внатрешна Монголија и по еден во Шанкси, Гуангдонг и Јунан. Вчера не се пријавени смртни случаи поврзани со ковид-19, но, пријавени се шест асимптоматски случаи, додека 117 асимптоматски пациенти се уште се под медицински надзор.