Седум медали на “Чешка е – опен 2021” за натпреварувачите на Теквондо клуб од Охрид

Еден златен, три сребрени и три бронзени медали освоија натпреварувачите од текводо клубот ХВА РАНГ ИТФ Лескоец – Охрид на меѓународен турнир.

Викендов  27.03 /28.03 2021 се одржа меѓународен отворен  Теквондо ИТФ онлајн турнир “ЧЕШКА  Е – ОПЕН  2021”, во организација на Чешката Таеквондо ИТФ Федерација , каде се натпреваруваше само  една дисциплина  ФОРМИ  (борба со замислен противник).                                                                                                   На овај турнир во конкуренција од  400/400  натпреварувачи од  47 клубови од  23 земји во Европа, Теквондо клубот ХВА РАНГ ИТФ Лескоец –Охрид учествуваше со 16 натпреварувачи.

„После долго време  имавме прилика повторно да го почувствуваме натпреварувачкиот дух, иако е преку интернет сепак желбата за победа ги мотивира нашите натпреварувачи , кои покрај големата конкуренција успеаја да не израдуваат со 7 медали  1 златен , 3 сребрени, 3 бронзени, со што докажаа дека сеуште квалитетот на нашиот клуб е на највисоко ниво, и се спремни за нови победи“ вели Марјанчо Лазаревски ,тренер на клубот и претседател на Македонската ИТФ.

Освојувачи на медали се:

Елена Јанеска:  1  место златен медал , 6-5 куп (зелен појас) јуниори девојки 14-17 год                                                                         

Давид Крстески:  2  место сребрен медал , 1 дан (црн појас)  деца  11-13 год                                                                          

Христијана Парулеска : 2  место сребрен медал , 6-5 куп (зелен појас) девојчиња 11-13 год                                                                                 

Никола Балчески : 2  место сребрен медал, 8-7 куп (жолт појас) јуниори  14-17 год                                                                  

Давид Велковски: 3  место бронзен медал, 1 дан (црн појас)  сениори  18-39 год                                                                      

Петар Трифуноски: 3  место бронзен медал, 8-7 куп (жолт појас) јуниори  14-17 год                                                                  

Филип Митрески: 3  место бронзен медал, 8-7 куп (жолт појас) деца  11-13 год