Се „разубавува“ чаршијата а фалат пари за справување со пандемијата

Го уништуваат ли надлежните културното богатство на Македонија додека граѓаните се во своите домови? Искорнатата калдрма, обележјето на чаршијата , емотивно ги погодува скопјани.

Револтирани се, меѓудругото, и затоа што во време на пандемија кога државата нема пари па позајмува од странски кредитори, прави ваков крупен потег.

Градоначалникот на Чаир, очекувано се правда, калдрмата што датирала од 70-тите години на минатиот век, требало да се обнови за да превлече туристи. И новиот камен содржел, травертин, кој  ја давал автетичноста на чаршијата вели Висар Ганиу. Вели дека ги имал сите потребни документи уште пред околу 3 месеци, а парите биле обезбедени од Светска банка. Но клучното прашање е дали граѓаните му дозволија на Ганиу да ја урне старата слика на чаршијата и ако му дозволија каде е анкетата со која ќе докаже дека добил амин?

  • Па нормално дека реагираат бидејќи како што беше вчера претставено тогаш секој нормален граѓанин би реагирал. Значи одговорите на анкетите ми се доставени мене и се во општина вели
    Висар Ганиу-градоначалник на општина Чаир.

Анкетата остана скриена. Но не изостана поддршката на владата за Ганиу. Велат знаеле за целиот проект за реставрација.

 Ве информираме дека се запазени сите процедури за заштита на автентичноста на Старата Скопска Чаршија и градежната активност која се финансира преку Проектот за локална и регионална конкурентност се одвива во согласност со позитивните правни норми за зачувување на автентичноста на Старата Скопска Чаршија – стои во соопштението од Владата.

Останува дилемата што му одговориле граѓаните на градоначалникот во анкетата што рече дека ја спровел ама одби да ја покаже. Но и зошто во време на вонредна состојба и беспарица ова беше неопходно да се прави?

Викторија Миткова

 

КАТЕГОРИИ
Споделете ja веста