Се поставуваат бетонски столбови пред ТЦ Мавровка, што ќе никне на местото на „Фонтана“?

Се поставуваат бетонски столбови за објект пред ТЦ „Мавровка“, на просторот каде се наоѓаше култното кафуле „Фонтана“ кое пред два месеци изгоре до темел во пожар. Веќе неколку денови просторот на плочникот пред трговскиот центар е заграден со ограда, а внатре интезивно се работи и може да се види дека е поставена плоча и  високи бетонски столбови како за зграда.

Алфа поразговара со сопственикот на поранешното кафуле кој зад камера кажува дека на просторот ќе се гради објект како претходниот само бетонските столбови ќе бидат подебели се со цел поголема сигурност на објектот. Не правел ништо освен кафе бар во налик на предходниот вели сопственикот, а за тоа имал дозвола и од општината, но неколку пати одби да застане пред камерата на Алфа. Зошто се градат столбови со тешка арматура кога за еден монтажен објект тоа не е потребно?

Интензивно продолжуваат градежните активности во просторот  пред трговскиот центар Мавровка. За мнинувачите останува нејасно зошто се градат толку високи столбови ако објкетот биде во налик на предходниот.

Се обидовме да добиеме одговор и од градоначалникот на Чаир, Висар Ганиу. Не одговори на повиците на Алфа. Но за дел од порталите демантирал дека високите бетонски столбови се нешто друго, туку се градело пак кафуле. Уверува дека  инспекторите биле на терен и потврдиле дека се постапува соодветно. Во недостиг на официјални документи, останува да видиме што ќе никне на местото на некогашната Фонтана.

Викторија Миткова