Само пет слободни места на Инфективното одделение во Штип, на удар се младите

Расте црната ковид статистика. Тројца пациенти на возраст од 63 до 73години од Берово,Пробиштип и каменичкото село Тодоровци ја загубија битката со корона вирусот на инфективното одделение во Штип. Штипска инфектологија е речиси полна. Останати се само пет слободни места, а само ноќеска се хоспитализирани шестмина нови.  Она што загрижува е тоа што се почеста мета на делта сојот се помладите паиенти. Добар дел од ковид  пациентите лекарска помош бараат откако здравствената состојба драстично ќе им се влоши, посочуваат инфектолозите.

„ Сите што доаѓаат за прием се во исклучително тешка здравствена состојба и имаат потреба од кислородна поддршка. Тие ги хоспитализираме . Оние пациенти кои се стабилни, со пневмонија кои може дома да се лекуват остануват дома со терапија, но доколку ситуацијата им се влоши веднаш ги хоспитализираме„ -изјави д-рДијана Шишкова, началник на Инфективно одделение при КБ-Штип.

Според статистиката на штипскиот Центар за јавно здравје од позитивни на вирусот една третина се од 20 до 49години, а 11% од инфицираните се на возраст од 10 до 19години. Место повеќе се бара и  во кочанската модуларна болница. Во моментот се хоспитализирани 15 пациенти, сите се со полесна клиничка слика. 

Александра Ристевска