Рибери објави дека го напушта Баерн Минхен

Крилото Франк Рибери најави дека ќе го напушти Баерн Минхен по крајот на сезоната.

Веста беше објавена на официјалната веб-страница на германскиот гигант.

Францускиот ветеран (36) помина 12 години со Баварците.

– Кога дојдов во Баерн, го реализирав својот сон. Збогувањето нема да е лесно, но ние никогаш нема да го заборавиме она што го постигнавме заедно. Ние освоивме повеќе од 20 трофеи, изјави Рибери.

Директорот на „баварците“ Kарл-Хајнц Румениге изјави дека Рибери и Робен се исклучителни фудбалери и Баерн им е многу благодарен и ќе организира „чудесно и емоционално испраќање“.

– Тие беа важен дел од најуспешната деценија во историјата на Баерн, прокоментира легендата на клубот.