Рекет отвора нова дилема – Зошто Заев чекал шест дена за да го пријави Боки 13

Зоран Заев кога бил премиер сепак, комуницирал со Боки 13. Тоа го покажуваат смс пораките кои денеска обвинителството ги презентираше како докази во Судот.

“Никогаш не сум го злоупотребил твоето име, од секогаш сум ве почитувал. Крајната одлука за нашиот однос ќе биде твоја одлука. Јас сум ти другар и пријател. Јасно кристална ми е целата конструкција. Ве молам кога ќе можете да ме примите, му пишува Боки 13 на Заев.

Заев му враќа:

“Сум се борел храбро, јас сум претседател на Влада и должен сум да го заштитам владеењето на правото. Боки ги видов доказите. Можеш ли да замислиш колку сум огорчен, за да јас напишам таков одговор. Извини, но грозно е!”

Ова наметнува нова дилема, ако се знае дека Заев негираше каква било комуникација со првообвинетиот за Рекет. Тој во август 2019 на ФБ објави

Со Јовановски единствено имам разговарано, само еднаш за хуманитарни активности на неговиот Меѓународен сојуз, после што ниту јас ниту Владата не сме имале натамошна соработка, ниту формална ниту неформална. Уште еднаш, ги повикувам сите истражни органи во целост, ама во целост да ги истражат случајот и да носат одлуки. – ова го изјави Заев, во Август минатата година.

Според обвинителството на 16ти Април 2019 година , Боки 13 на својата мајка Јасминка и испраќал скриншотови од комуникацијата што ја имал со Заев кон крајот на Февруари.Тие пишувале пораки и во Април. Зачудува фактот што и покрај комуникацијата во Февруари и Април ,Заев случајот  во обвинителството го пријавува многу подоцна.Според напишаното на фб , тој Рускоска дури на 22 Април 2019 ја информира дека Орце Камчев бил жртва на Боки 13 и Катица Јанева.

Освен со Заев, Боки 13 имал комуникација  и со адвокатот Димишков, брат на судијката на претходна постапка Весна Димишкова. Но, од пораките не може да се дознае контекстот на разговорот на Димишков и Јовановски, како и која е неговата улога во разговорот. Боки 13 Катица Јанева ја пишувал како „мајка”. Боки 13 на денешното рочиште обвини дека Обвинителството вршело селективно вештачење на неговиот мобилен телефон.

Ања Василева 

Advertisements

Поврзани вести