Продолжувањето на кризната состојба го мина првиот филтер во Собранието
Продолжувањето на кризна состојба до крајот на јуни, помина на собраниската комисија за одбрана. Предлогот продолжува да се разгледува и натаму низ собраниските тела. Власта бара кризната состојба да трае до идното лето односно до крајот на јуни. Убедена е дека првиот кризен месец дал ефекти.
Од опозицијата пак поднесоа амандман, рокот да се намали на три месеци односно кризната состојба да се продолжи до 31 март 2021, што не беше прифатено од страна власта. Тие сметаат и дека треба да се сноси поголема одговорност поради состојбата со пандемијата, големиот број смртни случаи и можноста од евентуални злоупотреби кои ќе произлезат со продолжувањето на кризната состојба. Дел од пратениците бараат извештај и објаснување што Владата искористила од можностите што и се отвораат со прогласување на кризната состојба. Оценија дека не доволно се искористени мерките и лошо се справуваме со Ковид – епидемијата. Прашаа во која насока ќе се движиме понатаму, зошто е зголемен бројот на хоспитализирани, каква е превенција од Ковид – 19, а побараа и информација за тоа кои конкретни мерки се преземени односно искористени.
Една од партиите дел од владејачката коалиција предложи и побара да се изгови нов закон за вонредна или воена состојба, затоа што законската регулатиива била недоволна, како и да се реформира системот на управување со кризи.
На 19 декември ќе помине еден месец откако Советот за безбедност препорача воведување на кризна состојба поради пандемијата со коронавирусот. Иако власта тврди дека првиот кризен месец дал резултати, фактичката состојба е поинаква. Освен армијата што излезе на терен друго нема ништо конкретно.
Кога се воведе кризна состојба бројката на новозаразени беше над 1000 деневно, а бројката на починати двоцифрена. Речиси еден месец подоцна повторно бројките се исти.
Една од причините за воведување на кризна состојба беше државата да менаџира со приватните болници. За таа цел беше договорено да се стави во функција да се стави стариот оддел на Систина, за на крај здравствените власти да одлучат дела ковид центарот ќе се користи тогаш кога ќе се пополнат капацитетите за лекување во државното здравство.
Мери Ѓорѓиевска
