Почесна артилериска стрелба по повод Денот на АРМ

Од Армијата Република Македонија информираат дека денеска со почеток во 10 часот, по повод 18-ти Август – Денот на Армијата на Република Македонија, во касарната ,,Илинден“ во Скопје ќе се изврши пробна артилериска стрелба со четири поединечни истрели од артилериски орудија.

-Утре 18-ти август 2020 година (вторник), исто така со почеток во 10.00 часот ќе се изврши почесна артилериска стрелба со истрелување на 5 плотуни од артилериски орудија на единица на артилерискиот баталјон на Армијата, информираат од АРМ.