Огромна дива депонија пред православните гробишта во Тетово, градот се дави во смет,надлежните спијат

Огромна дива депонија пред православните гробишта во Тетово.Мебел, изнутрици од животни, коски ,секаков отпад од кој се шири неподнослива смрдеа и зараза.Граѓаните велат,ова е срам за градот и властите.И не само овде, туку цело Тетово се дави во ѓубре,а инспекции и казни нема.

Владо Наумовски живее веднаш до православните гробишта. Нема вели институција каде не се обратиле,но,никој не чувствува одговорност за овој срам.

Реагираа и во ВМРО ДПМНЕ.Ова непочитување на туѓото минато и светите места е крајно жално и срамно.

• Не ли е срамота лажењето на властите дека го исчистиле местото,каде почиваат православните Македонци во Тетово.Дали е ова доказ дека ние не сме рамноправни граѓани во овој град.Дали вака се искажува почит кон нашите предци-рече АНГЕЛ КАРАПЕТРОВ- Претседател на ОК ВМРО ДПМНЕ -Тетово.

Периодов целиот град е преплавен со смет.Во комуналното велат дека тие го собираат,но, проблем било што ѓубрето се носело и од други населени места.Бараат да се вклучи полицијата и инспекциските служби кои, речиси десет години, немаат пишано казна.На градоначалничката Теута Арифи пак, периодов се чини приоритет и се предизборните активности, отколку да го исчисти градот.

Милена Вучевска