Од утре почнуваат уписите на „УГД – Штип“

Универзитетот „Гоце Делчев„-Штип од утре ја отвара елетронската платформа за пријавување на заинтересираните кандидати за упис во прва година. Идните студенти може да  се пријавуваат до средината на септември. Засега неизвесно е како ќе стартува новата академска година .

  „Доколку не се промени епидемиолошката соостојба во државата  најверојато учебната година ќе започне како хибриден систем во делот на поголемите групи како што е на Факултетот за медицински науки ќе биде он лајн настава, а физичко присуство при изведување на вежбите. Меѓутоа доколку дојде до влошување на ситуацијата најверојатно опцијата он лајн и понатаму ќе биде присутна на универзитетите„-изјави проф. Блажо Боев,ректор на УГД-Штип.

Oд наредната година со работа ќе започне и  акредитирана студиска програма по Општа медицина и наставата ќе се одвива само на англиски јазик.

   „Исто така се акредитираат други студуски програми  на Правниот факутет, Информатика, Природнно-техничкиот факултет . Мислиме дека иднината на развојот на високото образование и привлекувањето на странски студенти е токму во тоа  да се овозможи студирање на еден од светските јазици„-изјави проф. Блажо Боев, ректор на УГД-Штип

   Годинава на УГД има 4000слободни места и предвидени се 300стипендии. 

Александра Ристевска

 

 

  

КАТЕГОРИИ
Споделете ja веста