Од среда 1 јули задолжителен формулар и баркод за влез на сите туристи во Грција

Грција, ги објави протоколите за влез на туристи во земјата, од 1- ви јули. Специјален образец, со лични податоци, адреса и траење на  престојот во Грција, ќе треба задолжително да пополнат, најмалку 48 часа пред пристигнувањето, сите оние,  кои од среда, 1- ви јули, планираат да патуваат во Грција, без разлика, дали со авион, со брод, или преку копно. Според протоколите за пристигнувања во Грција, сите патници, ќе треба да пополнат образец за локација, по што, ќе добијат единствен баркод, според кој, ќе се врши селекција на  патниците,  кои ќе бидат тестирани за ковид-19. Образецот, во електронска, или отпечатена верзија, посетителите во Грција, ќе треба да го покажат, при пристигнувањето на граничниот премин, на аеродромот или на пристаништето. Во зависност од баркодот на секое лице, патниците, или ќе бидат однесени во делот за тестирање или ќе им биде дозволено да го продолжат патувањето кон нивната дестинација, но ќе добијат информации и упатства од граничните службеници – што би требало да направат, во случај, да им се појават симптоми. Доколку туристот, планира да посети неколку места во Грција, ќе мора, за тоа детално да ги информира грчките власти. Македонските државјани, се единствените во регионот, кои во моментов, не се засегнати од строгите грчки протоколи, со оглед на тоа, што, не ќе може да влезат во земјите на европската унија, по официјалното отворање на нивните граници, најавено, за 1-ви јули.

КАТЕГОРИИ
Споделете ja веста