Од следната недела поевтина „есенска кошница“ за граѓаните

Поевтини производи од следната недела.   Работната група во која членуваат претставници од министерствата за економија, финансии и земјоделство, ја крои есенската кошница и  до крајот на денот ќе  прави пресметки, а до понеделник ќе одлучи каков предлог ќе достави до Владата.  Според најавите од министерот за економија, во понеделник ќе соопштат дали ќе има замрзнување на цените или ограничување на маржите како и кои производи ќе поевтинат а, Владата треба да го изгласа во вторник на седница.

„Денеска рабоотната груба од министерството за економија, земјоделие и секорот за финансии уште работат, таа работна група е во тек со оваа програма, во понеделник ќе имаме јасен одговор и документот или предлогот ќе биде доставен во вторник на Влада и таму ќе се усвои оваа одлука и ќе бидат известени граѓаните“, рече Дурмиши.

Владата веќе ги ограничи маржите на школскиот прибор, а на листата поевтини 100 производи се очекува да бидат основните прехранбени производи, овошјето и зеленчукот .Покрај есенската кошница, се подготвува и пролетна кошничка.

Ваквите мерки, според Владата ќе помогнат за стабилизација на цените и ќе се превенира висока стапка на инфалција. Според официјална статистика, во авугст инфлацијата била 2,2 отсто.   Во однос на јули, во август има зголемување на трошоците за храна и безалкохолни пијалоци за 1,2 отсо.

Стабилизација на цените се очекува и со Законот за нефер трговски практики кој беше донесен во март, а треба да почне да се применува на крајот септември. Минатата недела од Стопанската комора преку писмо побараа од Владата да биде одложена примената на законот, а премиерот им одговори дека постои можност барањето да биде прифатено доколку постојат објективни причини. Со законот, рабатот и дополнителните трошоци од листата на 2.548 тарифни броеви на земјоделски и прехранбени производи во трговија на мало и на големо ќе бидат ограничени на 10 проценти.