Николоски: Дали е случајно или не што РЕК Битола во време на Васко Ковачевски на иста фирма  дава два тендери со исти суми, и двата со исти анекси од 20%?

Николоски: Дали е случајно или не што РЕК Битола во време на Васко Ковачевски на иста фирма  дава два тендери со исти суми, и двата со исти анекси од 20%?

Потпретседателот на ВМРО-ДПМНЕ Александар Николоски продолжува да обелоденува детали и информации за криминали во Електрани на Македонија и во РЕК Битола. Денеска, на прес конгеренција, Николоски потсети на времето на директорувањето на Васко Ковачевски но исто така презентираше некои нови аргументи кои што досега не се познати во јавноста.

„Имено неговото директорување ќе остане запаметено како едно од најкриминалното работење во историјата на Македонија за што веќе и Државната комисија за спречување на корупција поведе постапка и достави документи до надлежното јавно обвинителство по кој што се надевам надлежното јавно обвинителство ќе постапи, а доколку не постапи сега, убеден сум дека тоа ќе го направи ослободеното јавно обвинителство после изборите на 8-ми мај оваа година“.

Николоски потсетува дека се познати и скандалите на Васко Ковачевски поврзани со набавката на мазут, поврзани со работењето на разни компании од типот на СВ-Инвест и така натаму, кои што криминално работеа во РЕК Битола и во Електрани на Македонија.

„Но, исто така сакам да презентирам еден парадокс од неговото работење. Имено се работи за два тендери, внимавајте со иста вредност. Васко Ковачевски како директор во периодот кога е директор на Електрани на Македонија дозволува два договори со иста вредност. Договорите се потпишани од директорите на РЕК Битола. Па сакаме да прашаме дали е случајно или не што иста компанија добива два договори со иста вредност, името на компанијата е РУД-КОП. Дали случајно или не РУД-КОП добива два договори со иста вредност. Едниот договор е потпишан на 07.06.2021 година, тоа е овој договор. А, вториот договор е потпишан на 03.10.2022 година“.

Николоски обелодени дека двете се со иста компанија. Првиот договор како што вели е од 07.06.2021 година за ископ на инвестициска откривка во рудник ПЈС (РЕК Битола). А, вториот од 03.10.2022 година е ископ на инвестициска откривка во рудник Брод Гнеотино (РЕК Битола).

„И дотука ништо не би било спорно, она што е интересно е дека двата тендери имаат до денар иста вредност. Имено, и првиот и вториот тендер се во вредност од 708 милиони денари или некаде околу 12 милиони евра. Првиот тендер од 2021, а вториот тендер од 2022. Она што е интересно е дека вкупната единечна цена по метар кубен во првиот тендер е 1.896 денари, додека за само една година таа цена пораснала и во вториот тендер е 2.595 денари. Односно вредноста расте некаде за 600 денари по метар кубен само за една година. И иако вредноста на двата тендери е до денар идентична, количината која што треба да се ископа секако дека не е, затоа што во вториот тендер се оди со далеку повисока цена“, предупреди Николоски.

Потпретседателот на ВМРО-ДПМНЕ праша дали е случајно или не, што иста компанија добива два тендери во различен временски период со иста вредност од 708 милиони денари, но во првиот случај цената по метар кубен е 1.896 денари, а во вториот е 2.595 денари.

„Следната работа која што сакаме да ја прашаме, е дали е случајно или не што истата оваа компанија добива анекс и на првиот и на вториот тендер и двата анекси се во иста вредност од 120 милиони денари, односно од два милиони евра. Па, двата договори на крај се во вкупна вредност од 849 милиони и 600 илјади денари и едниот и другиот, или некаде околу 14 и пол милиони евра.Еве го анексот од 2021 година и еве го анексот од 2022 година. Па, јавно прашуваме, дали е случајно или не што оваа компанија е привилегирана и за разлика од други компании добива анекс во вредност од  20% од висината на договорот и анексот и во првиот, и во вториот договор е со иста вредност“?

Николски ги повика надлежните институции да го преиспитаат работењето на Електрани на Македонија и на РЕК Битола, како и да постапат по укажувањата на Државната комисија за спречување на корупција за работењето на претходниот директор, Васко Ковачевски за кој што веќе има, како што кажа, дознаки, односно претставки од страна на Државната комисија за спречување корупција. Најави дека во однос на сите останати, ослободеното Јавно обвинителство и ослободените институции, после 8 мај ќе поведат соодветни постапки.

КАТЕГОРИИ
Споделете ja веста