Надлежните без одговор за депонијата во скопско Маџари

Скопје се дави и тоне во смет. И покрај очајните крици на граѓаните на скопско Маџари надлежните не превземаат ништо.

Три дена откако Алфа објави како скопјани се гушат во дивата депонија што ја полни и скопски комуналец нема ни збор од надлежните. Жителите на оваа населба и денес ја дишат смрдеата како во  последните три години. Граѓаните во страв за сопственото здравје, но по се изгледа не само од коронавирусот, туку од сметот кој секојдневно им го истураат пред нос. Бараат одговорност од градоначалниците и чист воздух.

И опозицијата реагираше. Го повикаа градоначалникот на Скопје, Петре Шилегов, да одговори како дозволил возилата на комуналната хигиена да оставаат смет сред Скопје на дива депонија.

• Наместо да чисти депонии, Шилегов создава депонии. Наместо враќање на сјајот на Скопје, Шилегов ги враќа депониите.Има ли Инспекторат за заштита на животната средина во оваа држава? Го повикуваме и заспаното Министерство за животна средина да реагира. Надлежните институции кривично да го гонат градот Скопје кој создава дива депонија и ги труе Скопјани. Наместо асфалт, Шилегов на Скопјани им испорачува тони отпад-реагираше Ирена Попова, советник во Советот на Град Скопје.

Останува да видиме дали надлежните ќе реагираат по ова оти кривична пријава секако ќе стигне до нечија адреса.

Викторија Миткова