На Фоњини не му помогнаа советите од Надал и Федерер

Тенисерот Фабио Фоњини го загуби својот натпревар на Лејвер купот, и покрај тоа што на една од паузите добиваше совети од легендите Роџер Федерер и Рафаел Надал.

Ова е ревијално натпреварување во кое играат репрезентациите на Европа против остатокот од светот, па Федерер и Надал како претставници на Европа, му помагаа колку можеа на Италијанецот. Сепак, Фоњини загуби од Американецот Џек Сок со 0:2 во сетови, па тимот на светот намали на 1:3 во победи во дуелот со Европа за која победија Тим и Циципас, како и дублот Зверев-Федерер.

Денеска најинтересниот меч е дуелот на Федерер со Австралиецот Ник Кирјос, додека Надал ќе се сретне со Канаѓанецот Милош Раониќ.