Краткорочниот селектор на Шпанија Роберто Морено сака да се заврши целата непријатна ситуација околу местото на клупата на А селекцијата односно промената што се случи по последниот меч од успешните квалификации кога тој беше сменет, а одново беше именуван Луис Енрике. Морено вели дека совеста му е чиста, дека зборот дека ќе се повлече го одржал, но дека му е жал што нема да ја води Фуријата на Европското. Морено инаку отфрли можност да му биде помошник на Енрике кој се врати по смртниот случај во семејството.