Мицкоски: Здравствениот систем е мизерен и клекнат на колена, државниот апарат не функционира

Мицкоски на својот фејсбук профил објави видео посветено на премиерот Заев со кое Мицкоски потенцира дека Македонија не памети толку големи човечки животи, дека е потребна оставка и влада која ќе биде составена од стручни луѓе.

Во продолжение целиот текст:

Претходното деноноќие Македонија имаше 26 мртви поради #COVID. Дури 132 починати за само една недела. 132 семејства завиени во црно. По Втората светска војна до денес Македонија не памети толку големи човечки загуби. Заев стана убиец на својот народ, неговата неспособност убива. Тој предводи Влада која прави геноцид врз својот народ, преку бруталната неспособност каде ништо не е под контрола.Секаде во светот короната напаѓа, но убеден сум, да ја немавме оваа неспособна Влада, денес ќе имавме повеќе животи кои се спасени. Државава се соочува со најголема смртност предизвикана од корона затоа што здравствениот систем е мизерен и клекнат на колена. Државниот апарат не функционира. Зоран Заев ги упропасти сите шанси за било што да е подобро. Овој човек е неспособен да донесе иднина, но затоа е прв во лаги, неспособност и криминал и затоа мора оставка и Влада од стучни луѓе за национален спас!Погледнете го ова видео и сѐ ќе ви стане појасно…