Маркез успешно опериран, се враќа за брзо

Актуелниот Мото ГП шампион Марк Маркез по несреќниот пад на воведната трка во Херез се здоби со фрактура на горниот дел од десната рака. Маркез утрово беше опериран, а зафатот минал успешно, без оштетување на нервот, за што првично се стравуваше. Докторите предвидуваат брзо опоравување, и наместо пауза со месеци, тој ќе отуствува неколку недели. Едно е сигурно, Шпанецот нема да се појави на втората трка во Херез овој викенд, но желбата и очекувањата се за трката во Брно на 9 август.